Rumme

Etz bisch bimmääd am Rumme ond sötsch kä Zit vesumme,
hocksch zwüsched Vääsli, Schale, frögsch wem ächt da wör gfale.

Söck, Tüechli ond WC Bese, Täller tosch fortzue velese ond weretem Sortiere chonsch allpot i s Schtudiere.
Tenksch zrok, ghörscht eres Lache ond gsiesch si Chüeche bache ond lisme, flike, choche, de Bode wichse, bloche.

Etz gheisch no eri Schue in Sak, ond machsch för s Brokehus en Pak,
ond denn henksch d Bilder ab de Wand ond neesch dis Schnopftuech schnell i d Hand.